Aku kang kudu ngowahi awaku

Nalika aku isih enom lan kebak pengangen angen
Aku kepengin ngowahi jagad
Bareng karo tambahe umur lan kawicaksananku
Tetep wae jagad ora owah kaya karepku

Angen - angenku banjur tak gawe luwih ciyut
Dakputusake mung arep ngowahi negeriku
Nanging ing kanyatan, pangangen - angen mau ora ana kasile

Nalika umurku sang saya tuwa
kanthi sisaning semangat uripku
Dak putusake mung arep ngowahi brayatku
Para wong kang paling raket karo aku
Nanging ing kanyatan .....brayatku mau ora gelem dak owahi

Aku lagi bisa ngrumangsani .....
Yen sing wiwitan tak owahi kuwi kudune awaku dhewe
Kanthi ndadekake awaku minangka panutan
Mbok manawa aku bisa ngowahi brayatku
Sakbanjure awit panjurung saka brayatku mau
mbok manawa aku uga bisa ndadani negeriku
lan ora mokal jagad iki uga bisa diowahi

Syukur ing sadhengah kang tinemu

Manawa sega wis kebacut dadi bubur ora perlu digetuni, tampanen bubur kuwi lan di dhahar kalawan tansah ngucap syukur.

Manawa awaku ora bisa atur syukur marang kang wus tinampa, lamun awaku bisa nggayuh kang kasedya.

Keblate ngener ngendi ?

Saumpama kowe di takoni sadulur mangkene, wong kristen kuwi manawa sembahyang keblate ngener menyang ngendi ?
Ibrani mangsuli manawa wong kristen manawa sembahyang keblate ngener Gusti Jesus, wiwit mula buka lan sateruse.

Gusti Jesus paring dhawuh "Aku iki dalane sarta jatine kayekten lan kauripan, ora ana wong siji - sijiya kang sowam marang Sang Rama, manawa ora metu Aku"
I am the way the trught and the life, no one come the father excetp thrught me

Kabingahaning tiyang bener

Lukas 14 :1 , 7 - 14
ing dina sabath apa kena tetulung ? coba pikiren kanthi ati kang tulus ....
yen diundangi ing pahargyan, aja seneg lungguh ing papan kang ngarep dewe, apa dene papan kang sinengker kanggo tamu agung......iki tuladha supaya andap asor
Yen kowe nduwe gawe aja ngundangi wong - wong sugih wae...... iki tuladha kadang konang

Persembahan kanthi tulus

Persembahan kunjuk ing Gusti mono durung mesthi dikeparengake Gusti Allah

Umpamane :

Persembahane Kain ora katarima, nanging persembahane Abil tinampa

Persembahane wong Parisi ora tinampa nanging persembahan

randha miskin, ndadekake karenan penggalihe Gusti Jesus.

Persembahane Raja Saul katolak, amarga Raja Saul ora mituhu dhawuhe

Gusti Allah.

Persembahane Ananias lan Safira, akeh nanging ora ditampa Gusti Allah,

awit kinanthene ati kang ora tulus.

Persembahane Maria, lenga Narwastu kang diesokake ana sampeyane Gusti

Jesus, lan banjur diusapi kanthi rambute Maria.

Lenga Narwastune Maria mau pengaji 300 dinar, manawa dikerta aji rupiah

wektu 31 maret 2010 kurang luwihe 12 juta rupiah

Pangandikane Gusti Allah gawe sukarena

Yokanan 21 : 1 - 9

Petrus, Thomas, Natanael, Yokanan, Yakobus, lan kancane loro maneh kang ora kasebutake jenenge, padha golek iwak ana ing danau Tiberias, mbaleni gawean lawas.

Nanging eloking kahanan, Petrus lan kanca - kancane mau tukang golek iwak wiwit lair awit saka wong tuwane, anggone golek iwak wektu kuwi ora oleh iwak siji - sijia , pari basan wader cethul siji wae ora oleh.

Baren wis awan padha bali minggir, kira - kira dohe saka pinggiring danau kurang luwihe 100 meter, ana pawongan (Gusti Jesus, kang durung dingerteni) dhawuh supaya jalane tinibake maneh manengen / ing tengene perahu, ya saka daya pangribawane dhawuh mau sanadya padha ora mangerti sapa sing dhawuh mau, iya padha nindakna dhawuh mau, kocapa bareng dhawuh mau ditindakna, jalane ditarik, kebak iwak gede - gede kehe ana 153 iwak gede - gede.

Yokanan dadi eling manawa kang dhawuh mau Gusti Jesus, banjur ngandhani kanca - kancane, Petrus banjur nganggo sandhangan lan nyebur danau marani Gusti Jesus, kanca - kancane ya banjur padha marani Gusti Jesus, lan padha weruh ing pinggire danau mau wis ana iwak lan roti bakar cumawis.

Gusti Jesus banjur dhawuh maneh supaya njupuk iwak sebagian kang mentas dijala mau, kabeh mau mesthi ana kersane Gusti kang sakalangkung endah, kanggo urip kita saiki.

Pangorbananing dhiri

Yokanan 12 : 1 - 8

Kanggo nggayuh apa kang dadi kekarepane, saben wong rila ngurbanake apa kang dadi duweke supaya apa kang dadi gegayuhane mau kaleksanan.

Umpamane kanggo nggayuh kasarasan, manawa kudu sesirik dhaharan kang ngandhung kolesterol, kanggo nggayuh supaya para putrane bisaa pinter - pinter, wong tuwa mesthi nggolekna sekolahan kang prayoga , sanadyan anggone ngragadi kanthi rekasa, lsp.

Ananging bisa uga amarga gegayuhane wus kalakon, banjur ngorbanake kanggo rasa atur panuwun, kaya ing waosan iki, Maria ngturake syukur kanthi nglengani sampeyane Gusti Jesus nganggo lenga narwastu kang larang regane, umpama wektu saiki mono (maret 2010) kurang luwih pangaji 12 yuta rupiah, sarta ngusapi sampeyane Gusti kanthi rambute.

Kena ngapa Mariya tumindak ngono mau awit Gusti Jesus wis nangekake Lazarus sedulure Mariya sing wis mati 4 dina ana kuburane, rega lenga wangi kang semono gedhene ora kaanggep boros, lan rambut minangka kebanggaane wanita uga rinasa ora abot kanggone Mariya kang atine pancen bungah banget.

Sekongkelan

Rikala manungsa mau padha ngumpul, apa sing disedya bisa apik nanging uga bisa ora apik, yen ta pancen sing padha ngumpul mau kepengin bab - bab sing becik, ya pancen iku padha rukun, kaya paribasan "Rukun agawe santosa"
Nanging manaw pepenginan mau bab - bab sing ora apik, ya ora ateges rukun , nanging trep manawa sinebut "sekongkelan"
Contone rikala manungsa kepengin gawe Menara Babil.
Wektu semono manungsa ajak - ajak "payo padha yasa kutda, nganggo manara kang pucake sundhul langit, supaya jeneng kita bisa misuwur, supaya jeneng kita dadi misuwur lan kita aja nganti pating slebar.
Nanging rancangan mau ora dikeparengake Gusti Allah, kanthi Gusti Allah , lan basane sing mau padha di bedak - bedakne antarane sisji lan liyane.

Ati kang gumunggung

Wis kaya dene ciri wanci, yen ta manungsa mau kepengin ngungkuli sapa wae, lan yen bisa mono kepengin madhani Gusti Allah.
Rikala manungsa ana ing patamanan Edden, nalika dibujuki si ula, supaya dahar wohing wit pangawruhe becik lan ala, sepisanan ibu Khawa ngandarake yen ta wohing uwit mau ora kena di pangan, awit dhawuhe Gusti Allah, mengko manungsa mundhak mati, nanging bareng di kandhani si ula yen ora bakal mati nanging malah bisa madhani Gusti Allah.
Bareng krungu tembunge si ula yen bisa madhani Gusti Allah, terus methik uwoh sing dadi larangane Gusti mau, awit kepengine mung arep madhani Gusti Allah.