Aku iki Roti Panguripan

"Aku iki Roti Panguripan, sing sapa marani Aku ora bakal luwe maneh, lan sing sapa pracaya marang Aku, ora bakal ngelak maneh"

Sapa wae sing kepengin wilujeng padha marekka maring Gusti Jesus, kang kersa dadi roti panguripan, kang pinangkane saka suwarga, punapa kita sampun pitados ? , manawi dereng benjang napa badhe pitados ?

Pitados bisane wilujeng

Pawestri sing wis lara 12 tahun bisa wilujeng awit anggone gupadi bisane ndemek jubahe Gusti Yesus, ora merduli tumindkae mau kanthi rekasa kang tanpa ukur awit wis lara suwene 12 tahun, manawa anane saiki lagi lara sadina wae , sok aras - arasen jumangkah ngudi Gusti ...
Wong lumpuh sing wis lara 38 tahun, nanging tetep usada bisane mari ana ing sapinggire kolam siloam, mula ya Gusti Jesus marani, supaya wong kang kaya ngono mau mari saka larane
Pawestri saka serofinisia sing butuh mertamba marang Gusti Jesus kanggo anake sing lara, sanadyan ditolak Gusti Jesus malah diumpamakake asu wae, uga ora duwe rasa serik, lah yen Gusti mau satemene mung neter karo percayane, kuwi tulus apa mung lamis marga arep golek pitulungan

LALI

Luk1s 17 : 11 - 19
John Hughes wis 35 th dadi sopir taxi ana New York, ing sawijining dina nalika wayah sore dheweke ngresiki taxine, dheweke nemu cincin permata ana ing jok buri taxine mau.
John ngeling - eling penumpange mau awan kira - kira sapa sing kelangan cincin permata mau, awit wingi nalika resik - resik taxine durung ana cincin permata mau, dai mesthi duweke penumpang awan mau.
Kathi meres pikirane John ngeling - eling kanthi ati kang tulus, wusanane John kelingan yen mau awan ana penumpang wanita setengah tuwa sing dinuga nduweni cincin permata mau, John banjur ngeling - eling ing ngendi wanita mau mudhun.
Sakwise 2 dina wusanane John bisa nemokake omahae wanita mau, John banjur menehake cincin mau, lan bener duweke wanita kuwi, John banjur bali saperlu nutugake anggone nyopir taxi lan golek penumpang, ya mung ing pikirane nggagas aja maneh ta yen wanita mau menehi hadiah, sedeng kandha matur nuwun wae kok ora, kok ya talah temen najan John pancen ora kepengin diwenehi hadiah. sikepe wanita mau ceples karo wong 9 sing wis mari lara saraate, kok ya ora bali matur nuwun marang Gusti Jesus sing nyarasake, kajab mung wong siji wong samaria, sing bali ngaturake panuwun ! lha awaku padha sing endi ya ?

Jesus Kristus (Mesias)

Aku iki Roti Panguripan ....................(Yok 6 : 15)
Aku iki Pepadhange Jagad ................(Yok 8 : 12)
Aku iki Lawange .................................(Yok 10 : 9)
Aku iki Pangon Kang Utomo .............(Yok 10 : 11)
Aku lan Sang Rama iku siji.................(Yok 10 : 36)
Aku iki Patangen lan Kauripan .........(Yok 11 : 25)
Aku iki Dalane, Jatine Kayekten ......(Yok 14 : 6)
Aku iki Wite Anggur ...........................(Yok 15 : 5)
Ature Petrus "Sang Kristus Putraning Allah"

Syukur ana ing ngarsane Gusti

Padha ngunjukna panuwun ing sabarang kang tinemu ....
Piwulange rasul Paulus marang pasamuwan ing Tesalonika mau, pancen ora gampang dilakoni, nagnging, jejering titah manawa gelem ngakoni manawa sanyatane mono pancen ringkih, kanthi tulus ya kudu nyuwun marang Gusti Allah, iya Gustining ingkang sarwa tumitah wontena kepareng Dalem Gusti ingkang Maha mirah paring kekiyatan dhateng kula.
Minangka tuladha mrih bisa tansah syukur, kita aja mung mikirake barang kang durung ana, nanging bisaa tansah mikirake barang kang wus tinampa.
Umapamane padha - padha mirsani gelas kang isi wedang setengah gelas. kang siji mirsani lan mikirake kok mung isi setengah gelas, ateges iku mung mirsani separo gelas kang kothong.
Dede sijine mirsani kanthi mikirake wah lumayan isih ana setengah gelas, awit dheweke mikirake lan mirsani setengah gelas kang isi wedang.

Nepsua nanging aja gawe dosa

Ef esus 4 : 6 , jabur 4 : 3
Percy Arrowsmith lan florence, ing th 2005 kacathe ing rekor Guinness minangka pasangan suami isteri paling tuwa sakndonya, awit anggone neningkahan wis 80 th, Arowsmith wektu kuwi yuswa 105 th, lan Florence garwane yuswa 100 th, nanging anggne andon tresna kaya manten anyar wae.
Geneya kok bisa mangkono mau, kuwi apa werdine ? pangandikane prasaja wae, dheweke sakloron ora bakal turu yen durung ngudhari sawenehing konflik ing uripe, dheweke duwe komitmen aja nggawa nepsu sakjroning turu.
Dheweke kandha karo somahe sakdurunge turu, ngrampungake konflike, kanthi padha dene ngapura - ingapura, banjur kalajengake ciuman mratandhani konflike wis bubar, banjur rerangkulan lan sare.

Aja waton ngomong

Markus 6 : 14 - 29 , Wb. 18 : 21
Pati urip padha kawengku ing ilat ....
Nabi Yokanan, jejering nabi ngemutake sang Raja Herodes, ora prayoga tindake anggone nggarwa Herodias garwane pangeran Pilipus adhine.
Pangandikane nabi Yokanan mau ditanggapi dening Herodias garwane Pilipus, kanthi ati kang njola, saupama bisa mono kepengin nyedani Yokanan, amarga wani ngrembuk perselingkuhane Herodias lan raja Herodes, wiwit kuwi atine Herodias tuwuh rasa bisaa nyedani nabi Yokanan, kanthi cara apa wae.
Rikala raja Herodes ambal warsa, putrine Herodias beksa ana sakngajenge raja Herodes, raja Herodes kepranan penggalihe, kanthi tanpa mikir sing jero, banjur ngandika marang sang putri,supaya nyuwuna apa wae bakal kaparingan tumeka separoning kerajaan yen sang putri gelem, nanging sang putri nau terus matur marang ingkang ibu ip. Herodias.
Tan kocapa Herodias seneng penggalihe, bakal kelakon pepenginane nyedani nabi Yokanan.
mulane, sang putri kadhawuhan matur nyuwun sirahe nabi Yokanan kawadhahana beri.
panyuwune san putri mau ndadekake sungkawane raja Herodes, nanging sabda pendita ratu.
kadhung janji karo sang putri sineksenan para punggawane raja Herodes.