Pangandikane Gusti Allah gawe sukarena

Yokanan 21 : 1 - 9

Petrus, Thomas, Natanael, Yokanan, Yakobus, lan kancane loro maneh kang ora kasebutake jenenge, padha golek iwak ana ing danau Tiberias, mbaleni gawean lawas.

Nanging eloking kahanan, Petrus lan kanca - kancane mau tukang golek iwak wiwit lair awit saka wong tuwane, anggone golek iwak wektu kuwi ora oleh iwak siji - sijia , pari basan wader cethul siji wae ora oleh.

Baren wis awan padha bali minggir, kira - kira dohe saka pinggiring danau kurang luwihe 100 meter, ana pawongan (Gusti Jesus, kang durung dingerteni) dhawuh supaya jalane tinibake maneh manengen / ing tengene perahu, ya saka daya pangribawane dhawuh mau sanadya padha ora mangerti sapa sing dhawuh mau, iya padha nindakna dhawuh mau, kocapa bareng dhawuh mau ditindakna, jalane ditarik, kebak iwak gede - gede kehe ana 153 iwak gede - gede.

Yokanan dadi eling manawa kang dhawuh mau Gusti Jesus, banjur ngandhani kanca - kancane, Petrus banjur nganggo sandhangan lan nyebur danau marani Gusti Jesus, kanca - kancane ya banjur padha marani Gusti Jesus, lan padha weruh ing pinggire danau mau wis ana iwak lan roti bakar cumawis.

Gusti Jesus banjur dhawuh maneh supaya njupuk iwak sebagian kang mentas dijala mau, kabeh mau mesthi ana kersane Gusti kang sakalangkung endah, kanggo urip kita saiki.

Pangorbananing dhiri

Yokanan 12 : 1 - 8

Kanggo nggayuh apa kang dadi kekarepane, saben wong rila ngurbanake apa kang dadi duweke supaya apa kang dadi gegayuhane mau kaleksanan.

Umpamane kanggo nggayuh kasarasan, manawa kudu sesirik dhaharan kang ngandhung kolesterol, kanggo nggayuh supaya para putrane bisaa pinter - pinter, wong tuwa mesthi nggolekna sekolahan kang prayoga , sanadyan anggone ngragadi kanthi rekasa, lsp.

Ananging bisa uga amarga gegayuhane wus kalakon, banjur ngorbanake kanggo rasa atur panuwun, kaya ing waosan iki, Maria ngturake syukur kanthi nglengani sampeyane Gusti Jesus nganggo lenga narwastu kang larang regane, umpama wektu saiki mono (maret 2010) kurang luwih pangaji 12 yuta rupiah, sarta ngusapi sampeyane Gusti kanthi rambute.

Kena ngapa Mariya tumindak ngono mau awit Gusti Jesus wis nangekake Lazarus sedulure Mariya sing wis mati 4 dina ana kuburane, rega lenga wangi kang semono gedhene ora kaanggep boros, lan rambut minangka kebanggaane wanita uga rinasa ora abot kanggone Mariya kang atine pancen bungah banget.

Sekongkelan

Rikala manungsa mau padha ngumpul, apa sing disedya bisa apik nanging uga bisa ora apik, yen ta pancen sing padha ngumpul mau kepengin bab - bab sing becik, ya pancen iku padha rukun, kaya paribasan "Rukun agawe santosa"
Nanging manaw pepenginan mau bab - bab sing ora apik, ya ora ateges rukun , nanging trep manawa sinebut "sekongkelan"
Contone rikala manungsa kepengin gawe Menara Babil.
Wektu semono manungsa ajak - ajak "payo padha yasa kutda, nganggo manara kang pucake sundhul langit, supaya jeneng kita bisa misuwur, supaya jeneng kita dadi misuwur lan kita aja nganti pating slebar.
Nanging rancangan mau ora dikeparengake Gusti Allah, kanthi Gusti Allah , lan basane sing mau padha di bedak - bedakne antarane sisji lan liyane.

Ati kang gumunggung

Wis kaya dene ciri wanci, yen ta manungsa mau kepengin ngungkuli sapa wae, lan yen bisa mono kepengin madhani Gusti Allah.
Rikala manungsa ana ing patamanan Edden, nalika dibujuki si ula, supaya dahar wohing wit pangawruhe becik lan ala, sepisanan ibu Khawa ngandarake yen ta wohing uwit mau ora kena di pangan, awit dhawuhe Gusti Allah, mengko manungsa mundhak mati, nanging bareng di kandhani si ula yen ora bakal mati nanging malah bisa madhani Gusti Allah.
Bareng krungu tembunge si ula yen bisa madhani Gusti Allah, terus methik uwoh sing dadi larangane Gusti mau, awit kepengine mung arep madhani Gusti Allah.

Aku iki Roti Panguripan

"Aku iki Roti Panguripan, sing sapa marani Aku ora bakal luwe maneh, lan sing sapa pracaya marang Aku, ora bakal ngelak maneh"

Sapa wae sing kepengin wilujeng padha marekka maring Gusti Jesus, kang kersa dadi roti panguripan, kang pinangkane saka suwarga, punapa kita sampun pitados ? , manawi dereng benjang napa badhe pitados ?

Pitados bisane wilujeng

Pawestri sing wis lara 12 tahun bisa wilujeng awit anggone gupadi bisane ndemek jubahe Gusti Yesus, ora merduli tumindkae mau kanthi rekasa kang tanpa ukur awit wis lara suwene 12 tahun, manawa anane saiki lagi lara sadina wae , sok aras - arasen jumangkah ngudi Gusti ...
Wong lumpuh sing wis lara 38 tahun, nanging tetep usada bisane mari ana ing sapinggire kolam siloam, mula ya Gusti Jesus marani, supaya wong kang kaya ngono mau mari saka larane
Pawestri saka serofinisia sing butuh mertamba marang Gusti Jesus kanggo anake sing lara, sanadyan ditolak Gusti Jesus malah diumpamakake asu wae, uga ora duwe rasa serik, lah yen Gusti mau satemene mung neter karo percayane, kuwi tulus apa mung lamis marga arep golek pitulungan

LALI

Luk1s 17 : 11 - 19
John Hughes wis 35 th dadi sopir taxi ana New York, ing sawijining dina nalika wayah sore dheweke ngresiki taxine, dheweke nemu cincin permata ana ing jok buri taxine mau.
John ngeling - eling penumpange mau awan kira - kira sapa sing kelangan cincin permata mau, awit wingi nalika resik - resik taxine durung ana cincin permata mau, dai mesthi duweke penumpang awan mau.
Kathi meres pikirane John ngeling - eling kanthi ati kang tulus, wusanane John kelingan yen mau awan ana penumpang wanita setengah tuwa sing dinuga nduweni cincin permata mau, John banjur ngeling - eling ing ngendi wanita mau mudhun.
Sakwise 2 dina wusanane John bisa nemokake omahae wanita mau, John banjur menehake cincin mau, lan bener duweke wanita kuwi, John banjur bali saperlu nutugake anggone nyopir taxi lan golek penumpang, ya mung ing pikirane nggagas aja maneh ta yen wanita mau menehi hadiah, sedeng kandha matur nuwun wae kok ora, kok ya talah temen najan John pancen ora kepengin diwenehi hadiah. sikepe wanita mau ceples karo wong 9 sing wis mari lara saraate, kok ya ora bali matur nuwun marang Gusti Jesus sing nyarasake, kajab mung wong siji wong samaria, sing bali ngaturake panuwun ! lha awaku padha sing endi ya ?